|
| 今天是我們長天中五的lastday, 用回一句說話:「百般滋味在心頭」, 要跟相處年多的同學分別,結果真係不是簡單的事。 尤其是在經歷了太多的事後。 今天有幾件比較難忘的事。 首先,是我們的歌神go在台上唱歌一事, 片段我將會後補。 再來的就是我們在最後一堂中文堂的真情對話。 我某程度感謝了韓老師給了我們機會去說感受, 但某程度韓老師給了我們投了一個「催淚彈」, 我一早就已經說我一定會喊, 想不像我一喊就如缺堤般停不下來, 身邊都有不少人掉下淚來。 最後就梗係同大家係新星度打邊爐啦^^ 唔單止可以係今日最後一段時間都同大家相處之外, 仲可以見證文少初吻的一刻=D --------------------------------------------- 認真講句,我有D野好想同個別同學講既, 首先既梗係老余啦, 中四識你個時,你份人比我既印象係難接近既, 或者接近到不荀言笑的程度。 但係你自從同羅敬坐埋一齊之後就變左爛GAG王, 你個柒柒護法現身我一世都記得=) 雖然我地唔可以同你一齊過埋中六,七呢個階段, 但係呢一刻的美好, 無咩係可以取代到既, 你將會永遠都係5A, 此外,祝你就算真係去到第二度都有美好愉快的生活, 當然啦,暑假番黎探我地啊,我地成班5A再出去玩過!!!! 第二個想個別講既係肥狗, 我本身同你就唔算太熟, 充其量是可以用得到同學兩個字, 但係我知道你一直都好比心機, 我想同你講既係, 雖然付出100%既努力不等同有100%既回報, 但只要曾經努力只求無愧於心。 出路好多, 咁多條路總有一條ARM你既, 就算真係番唔到既, 最多走一條崎嶇D既路囉, 唔開心既,辛苦既,可以同我地講架BO, 我知道我地成班都會做你後盾既, 支持你!!!加油^^ 第三個就係朱總, 你係個大情大性既人, 愛玩愛講笑, 但係相對也可以很認真的對待自己的課堂, 你都咁熱衷參加班會活動, 我好多謝你, 如果無左你,真係會少左好多快樂。 呢度其實我好想同你講句多謝, 我記得係中四,我仲係好嬲大家叫我做肥野個陣, 我仲以為你會因為我同你係中二唔ARM KEY而有隔膜的時候, 係你講左句:「我地係FD架嘛」 我真係好感謝你,無介意以前我點對你地, 我真係衷心想多謝你=) 跟住係想同肥PET, 如果我跑圈個時無左你,真係會少個伴跑番終點, 完結個一堂PE。 我覺得今年如果唔係你做班會主席,得我一個搞活動, 會無咁成功, 我感謝你比左我咁多保貴經驗同回憶, 在我僅剩下來的中五也不致於沒有半點留戀^^ 跟住係DUNCAN, 其實有時我真係好憎你係咁笑我架, 不過有時諗番起來, 算數啦, 反正都已經完左中五喇, 當然,如果無你比左呢個咁有代表性的名我, 我邊得咁出名啊^^ 跟住係想同IVE三寶講既, 你地啊,成日話想番黎想番黎, 但係讀書讀到咁懶散點番黎啊? 番黎做校工咩? 比D心機啦,等緊成班5A都番黎架嘛!!! 跟住係想同番同我一齊修ART個班人, 係我需要幫忙個陣, 如果無左你地, 我一定做唔曬D功課架, 我地一齊趕功課,一齊食比MISS逼既譚仔, 我真係會好懷念咁樣開OT既日子, 我知自己發脾氣真係難頂, 但係我已經嘗試用咩都唔理既方法去冷靜自己... 原來都會影響到你地,SORRY啊=( 仲有,我地修ART呢14個人搞既活動同聚會, 一定唔會少過自己班既班會活動架^^ 無論係元旦,平安夜,放學,新年,我地都一齊係va過, 真係永世難忘^^ 最後係其他同學啦, 我有好多野好想同你地講,但係三言兩語真係講唔曬, 放心啦,我會係考完mock之後每人都派封信比你地講下我想同你地講咩架喇, 可能內容會行d既...但係我諗我會手寫掛.... 如果唔得既...email都殺啦=^=, 話我煩都要講多次, 我自知我好刻人憎, 多謝大家能體諒我。 無你地無我,我無入過5A,我肯定今日我一定唔會落淚, 你地比太多回憶我喇, 話我咩都好, 我真係好中意同大家相處架。 係我心目中, 一日你係5A既一份子, 你一世都會係2008-10年度既5A一份子! 我希望大家係三十歲,四十歲回首一望既時候, 無後悔曾經係5A既一份子, 仍然覺得5A充以令你驕傲。 未來的日子就算幾咁崎嶇都好, 願5A的回憶可以成為支持你走下去的力量。 路是我們一起走出來的, 我們做過的任何事都不會白白消失, 沒有任何意義。 我覺得就算我地將來各散東西, 一旦出黎聚會, 傾番起5A既事情, 仍然可以笑得很高興。 我自問這是我第一次在長天入面喊, 我覺得喊呢一樣野應該係自己一個喊既, 比人見到好無面, 不過今日大家都咁感動,偶爾無面有咩所謂姐。 我覺得我地應該係可以放的時間放, 因為有放就會有收, 無論放的時間多長, 收都是緊追其後, 既然如此,我地應該要在可以盡情玩的時間玩, 不要係應該幼稚的時間裝成熟, 在應該成熟扮成童真, Do the right things at the right time and on the right place 5A,我會永遠掛住大家同我相處既任何時間。 這是我第一次對長天有歸屬感, 是你地比我架! 講到呢度...我又喊喇.... | | |
| 好忙好忙..... 除了溫書之外, 還忙著舉辦活動, 在新年假,最後的一次玩^^。 雖然忙,但我忙得很快樂。 | | |
| 你們好,時間過得好多,話咁快就已經係31號。 我仲記得中四開學一班唔熟既人, 點樣變到宜家你笑下我,我又笑下你既日子, 我知自己既脾氣差,多謝你地既忍讓,我會盡力改善, 不致變成某人一樣受到排斥^^。 無論係班際籃球,足球,我都無法親眼看到大家戰鬥的過程, 我好遺憾,沒有辦法可以陪大家走呢一段重要里程。 雖然結果未能盡如人意,但結果係我地5A的確嬴了, 嬴了一份團結,起碼知道我地5A無想像的散,唔再係一盤散沙。 我深知,大家都會盡力考好會考,但也未必能夠全部回歸, 但5A永遠都不會變,永遠都係由我地5A 36個人組成, 多一個不是5A,少一個也不是......我地既回憶無人可以拎走, 只有我地在未來回味的時侯,才嘗到甘甜。 回憶多與少,都係由我地製造出來,在未來的日子, 縱然我地走的道路未必一樣、相似 , 縱然離別使我的心境變遷, 但願感情未因此而變淡,他日在街上再遇已經不再是同學的大家, 仍然能夠笑著說一句:「好耐無見,你宜家點啊?」 這一句簡單的句子。 其實,我最唔捨得既除左5A, 就係係VA room既日子, 一齊趕功課, 一齊幫拖, 一齊請槍, 一齊食飯, 一齊通頂, 一齊講笑, 一齊認真。 VA room的確讓我載滿了很多回憶, 我諗我一世都唔會忘記同其他13個同學、miss一齊工作的日子, 好想多謝大家平時對我既忍讓, 對我既幫助^^, 仲要多謝miss既幫手, 仲搞到自己咁狼狽...我好感謝你^^。 中四,中五的確是人生的轉捩點, 因為我第一次捨不得學校和同學。 「明日我翻開筆記 即使記不起
學過數理經濟 通通都拋棄
一想到你筆跡 或滿載我記憶
在心裏沒有忘掉你
得到過 我心中有你 」 | | |
| 久違了, 久違了。 陪隨歲月的流走, 我也有好年多沒有用xanga了。 忙碌跟空閒梅花間竹的伴隨生活游走, 愉快跟苦悶也穿插其中。 友誼破損跟離合, 隱約的背叛。 人生的變化在於相處, 成長卻處於分離, 有離才有合, 沒有人可以訴說著一輩子的天長地久, 更不能為愛加上期限, 結局是無聲無息的降下的這個世間, 能夠流傳至下世的只有悲劇。 離開的朋友是害怕, 友誼的朋友是仇恨, 有誰可以保證到將來的友誼是不變。 我不能, 因為我不會盲目地注入感情, 傷痕一條已經足夠。 ----------------------------------- 相比起現實, 網上的朋友更能訴說事情, 本著大家不會相知大家事情的基礎上, 信任是很牢固, 難以被打碎的建構。 | | |
| 眼見大家為呢件事咁出心出力, 但自己都做唔到咩... 也搭不上什麼, 只能夠為大家講出點解有老師係度.. 有D內疚... 見有D人強顏歡笑, 自己既心也不好過, 我也有玩過(小息), 如果可以既話, 我都想上去認, 起碼自己唔會咁內疚先... 但係EDMUND話唔好講咁多, 佢地傾緊點解決.. 作為有點兒不向心的我, 也希望能夠小小的跟這個4A建回一條小小的橋, 希望能嘗試被成4A的一份子。 | | |
|
[Xanga]